10 mBliana de Chomhionannas Pósta á gCeiliúradh ag Leabharlann Náisiúnta na hÉireann
Revisiting the Yes Equality Campaign: A Decade of Marriage Equality
Bhronn ‘Comhionannais Tá’ an bailiúchán in 2020, an eagraíocht a bhí i gceannas ar an bhfeachtas rathúil maidir le comhionannas pósta. Mar chomóradh deich mbliana ar an Reifreann stairiúil maidir le Comhionannas Pósta, tá catalógú déanta ar an mbailiúchán grianghrafadóireachta agustá sé ar fáil anois ar shuíomh gréasáin an NLI.
Tá níos mó ná 1,000 grianghraf leis an ngrianghrafadóir Paul Sharp sa bhailiúchán grianghrafadóireachta. Arna choimisiúnú ag ‘Comhionannais Tá’, rinne Paul doiciméadú ar ghníomhaíochtaí an fheachtais maidir le comhionannas pósta, lá na vótála agus ceiliúradh na dtorthaí, agus rinne sé taifead ar na scéalta pearsanta agus ar an spiorad taobh thiar den fheachtas.
An Feachtas Comhionannais Tá: Bhí deonú na Cartlainne Digití ar cheann de na chéad tionscadail phíolótacha a bhaineann le hábhar a bhí digiteach ón chéad lá de chuid an NLI, agus is é an roghnú grianghrafadóireachta a seoladh inniu an chéad cheann ag an NLI a mbeidh ar fáil go hiomlán ar líne.
Mar choimeádaí cuimhne na hÉireann, tá an NLI tiomanta do ghlórtha agus d’eispéiris éagsúla an náisiúin a ghabháil, a chosaint agus a roinnt. Tá na suíomhanna gréasáin a bhí ann le linn feachtais an Reifrinn um Chomhionannas Pósta 2015 bailithe, caomhnaithe agus curtha ar fáil ag an NLI.
‘Athchuairt ar an bhFeachtas Comhionannais Tá: Deich mBliana de Chomhionannas Pósta’
Chun cuimhneachán deich mbliana an Reifrinn um Chomhionannas Pósta a cheiliúradh agus a chomóradh, tá plé painéil á reáchtáil ag an NLI, ‘Athchuairt ar an bhFeachtas Comhionannais Tá: Deich mBliana de Chomhionannas Pósta’, le príomh-abhcóidí ón bhfeachtais. Déanfaidh an plé painéil machnamh ar an Reifreann um Chomhionannas Pósta 2015 agus ar an bhfeachtas Comhionannas Tá.
Ar an bpainéal beidh, Beidh Brian Sheehan, iar-Chomhstiúrthóir ‘Comhionannas Tá’; Karl Hayden, scannánóir, grianghrafadóir agus gníomhaí LGBTI+; agus Anna MacCarthy, gníomhaí agus eagraí le ‘LGBT Noise’. Beidh Anna Nolan, Cathaoirleach ‘NXF (National LGBT Federation)’ agus léiritheoir teilifíse ina cathaoirleach ar an bplé.
Beidh an t-imeacht ar siúl Déardaoin, an 15 Bealtaine, ó 6:15pm i Leabharlann Náisiúnta na hÉireann ar Shráid Chill Dara, Baile Átha Cliath 2. Tá líon teoranta ticéad ar fáil anseo.
Ag labhairt di, dúirt Stiúrthóir Leabharlann Náisiúnta na hÉireann, an Dr. Audrey Whitty:
“Is cuimhin linn go léir an lúcháir a chonaiceamar 10 mbliana ó shin nuair a vótáil Éire ‘tá’ nuair a bhaineamar clú agus cáil amach mar an chéad tír ar domhan a cheadaigh comhionannas pósta trí ghuth an phobail. Táimid thar a bheith buíoch do ‘Comhionannas Tá’ as a gcartlann feachtais a bhronnadh ar Leabharlann Náisiúnta na hÉireann. Táimid an-bhródúil go bhfuil an chartlann seo anois mar chuid den Bhailiúchán Náisiúnta agus go mbeidh sí ar fáil do dhaoine in Éirinn agus níos faide i gcéin do na glúnta atá le teacht.
“Mar choimeádaí cuimhne na hÉireann, táimid tiomanta d’iliomad guthanna agus eispéiris éagsúla na hÉireann a bhailiú agus a chaomhnú, ag cinntiú go mothaíonn gach duine fáilte, sofheicthe agus cuimsithe. Ar an gcomóradh ríthábhachtach seo, is mór an onóir dúinn a bheith in éineacht le roinnt abhcóidí aitheanta ón bhfeachtas agus muid ag machnamh ar obair cheannródaíoch ár bpobal LGBTI+ agus ag ceiliúradh deich mbliana de Chomhionannas Pósta.”
Dúirt Ceannasaí na mBailiúchán Digiteach, NLI, Eoghan Ó Carragáin:
“Rochtain a chur ar fáil don phobal agus do thaighdeoirí ar na grianghraif san Fheachtas Comhionannais Tá: Léiríonn an Chartlann Dhigiteach an tábhacht a bhaineann le hinfheistíocht a dhéanamh i gcaomhnú digiteach. Is sampla iontach é den chaoi a gcinntíonn cleachtais bhailithe agus chaomhnaithe dhigiteacha an NLI go mbeidh ábhar digiteach fós in-aimsithe, inrochtana agus in-athúsáidte amach anseo, ag cosaint gnéithe ríthábhachtacha de scéal comhaimseartha na hÉireann.”
Dúirt Gráinne Healy, iar-Chomhstiúrthóir ‘Comhionannas Tá: “Tá sé thar a bheith tábhachtach go mbeidh an Feachtas Comhionannais Tá: An Chartlann Dhigiteach mar chuid den Bhailiúchán Náisiúnta. Go mbeadh déantáin amhairc ar an bhfeachtas a d’fhág tionchar ar chroíthe agus intinní agus a thug toradh vótála Tá cinntitheach, ciallaíonn sin go gcabhróidh an scéal amhairc leis an scéal sin a insint do na glúnta atá romhainn; ag ceiliúradh an fheachtais, an bua agus an t-aitheantas stairiúil ar phósadh comhionann do lánúineacha den ghnéas céanna - a bhronntar ag muintir na hÉireann
Dúirt Brian Sheehan, iar-Chomhstiúrthóir ‘Comhionannas Tá’: “Bhí an feachtas Comhionannas Tá don Reifreann Pósta in 2015 neamhghnách sa mhéid is gur scaoil sé cruthaitheacht, fuinneamh agus tiomantas na mílte duine a d’oibrigh ar feadh míonna ar an dianchomhrá náisiúnta a chuir ina luí ar dhaoine chun vótáil Tá. Mar áit ina bhfuil scéal na hÉireann á coimeád agus á chaomhnú, is iontach agus is ceart é go bhfuil taifead amhairc ag Leabharlann Náisiúnta na hÉireann anois ar phríomhchuid den turas iontach sin agus go bhfuil sé curtha ar fáil don phobal den chéad uair. Tríd an NLI, beidh scéal an reifrinn sin agus flaithiúlacht mhuintir na hÉireann san áireamh go deo i scéal na hÉireann.”
CRÍOCH
Tuilleadh
