Bailiú Digiteach
British Tabulating Machine Company plant at Castlereag, ALB500
Coinníonn Leabharlann Náisiúnta na hÉireann oidhreacht chultúrtha ár dtíre sábháilte trí bhailiúcháin atá dúchasach digiteach agus digitithe a chaomhnú.
Tá sé de mhisean againn a chinntiú go bhfanfaidh ábhair luachmhara dhigiteacha insroichte do ghlúine atá le teacht, ó ghluaiseachtaí cultúrtha ár linne go cartlanna stairiúla.
Tá ár n-obair bunriachtanach chun réimsí ríthábhachtacha stair dhigiteach na hÉireann a chosaint ar imeacht as radharc go deo.
Is aidhm linn freisin bheith ar thús cadhnaíochta maidir le bailiúcháin atá dúchasach digiteach a dhéanamh insroichte don phobal do na glúine atá le teacht.
Caomhnú DigiteachTá caomhnú digiteach ríthábhachtach maidir le hobair bailithe dhigitigh Leabharlann Náisiúnta na hÉireann, cé acu a atáimid chun bailiúcháin fhisiceacha a dhigitiú, ábhar dúchasaigh dhigitigh a chaomhnú nó suíomhanna gréasáin a chartlannú. Leis sin, cinntítear go mbeidh ábhair dhigiteacha insroichte agus inúsáidte le himeacht ama, in ainneoin na n-athruithe sa teicneolaíocht. Cosnaímid oidhreacht chultúrtha dhigiteach na hÉireann don todhchaí trí shainchúram, caighdeáin iontaofa agus bonneagar tiomnaithe. |
|---|
CCanna
Is ionann digitiú agus an próiseas chun ábhair fhisiceacha, amhail lámhscríbhinní, leabhair, grianghraif, téipeanna, físchaiséid nó nithe 3T, a aistriú go formáidí digiteacha chun rochtain a fheabhsú agus chun iad a chaomhnú go fadtéarmach.
Is éard is 'dúchasach digiteach' ann ná ábhair ar bith ar ceapadh iad i bhfoirm dhigiteach: ábhar ar bith ó ríomhphost go doiciméad próiseála focal.
Déanann NLI infheistiú i ndaoine, córais agus próisis chun ábhair dhigitithe agus ábhair dúchasaigh dhigitigh araon a chosaint, chun a chinntiú go mbeidh siad insroichte agus inúsáidte i gcónaí, fiú agus an teicneolaíocht ag athrú. Féach ár bPolasaí um Chaomhnú Digiteach chun tuilleadh a aimsiú.
Is éard is cartlann dúchasaigh dhigitigh ann ná ábhair chartlainne nár foilsíodh ar ceapadh iad i bhfoirm dhigiteach, amhail ríomhphoist, grianghraif dhigiteacha agus comhaid. Is ionann na foirmeacha digiteacha sin agus lámhscríbhinní, páipéir liteartha agus páipéir eastáit atá bailithe ag NLI ó bunaíodh í. Caomhnaítear na bailiúcháin sin chun rochtain fhadtéarmach a chinntiú.
Is éard is ríomhfhoilseacháin ann ná ábhair fhoilsithe ar ceapadh iad i bhfoirm dhigiteach, amhail ríomhleabhair, foilseacháin leictreonacha an rialtais agus nuachtáin ar líne.
Gabhann agus caomhnaíonn ár gCartlann Ghréasáin suíomhanna gréasáin in Éirinn, rud a chinntíonn go mbeidh ábhar ríthábhachtach ar líne insroichte do ghlúine atá le teacht.
Is dúshlán nach beag dúinn a méid mór ábhar digiteach atá ann a bhainistiú, lena n-áirítear ábhair dúchasaigh dhigitigh agus suíomhanna gréasáin. Tugaimid tús áite do na hábhair is luachmhara ó thaobh cultúir agus staire de i gcomhréir leis an bPolasaí um Fhorbairt na mBailiúchán atá ag NLI. Leanann méid an ábhair de bheith ag fás as cuimse, agus déanaimid ár bpróisis a chur in oiriúint go leanúnach chun na héilimh sin atá ag méadú a bhainistiú.
Cloíonn NLI le dlí cóipchearta na hÉireann. Murab ionann agus formhór leabharlanna náisiúnta an Aontais Eorpaigh, ní thugann reachtaíocht na hÉireann cead do NLI gach suíomh gréasáin in Éirinn a bhailiú agus a chur ar fáil go córasach faoi láthair, rud a fhágann bearna shuntasach sa taifead stairiúil ar líne.
Tá NLI tiomanta do ghéilleadh do chóipcheart bíodh is go molaimid ag an am céanna go nuashonraítear reachtaíocht ionas go tacaíonn sí le caomhnú digiteach agus le rochtain an phobail.
Tuilleadh
