Tá Creidiúnú Oiriúnach don Uathachas faighte ag Leabharlann Náisiúnta na hÉireann

Le bliain anuas, d’oibrigh an NLI go dlúth le AsIAm chun a chinntiú go bhfuil a spásanna, a sheirbhísí agus a eispéireas cuairteoirí níos cuimsithí agus níos fáiltiúla do mhuintir an Uathachais. Mar chuid den phróiseas creidiúnaithe, chuir an NLI réimse beart tábhachtach i bhfeidhm, lena n-áirítear:

• Oiliúint feasachta foirne atá oiriúnach don uathachas
• Treoracha do chuairteoirí ina bhfuil cur síos ar cad is féidir le cuairteoirí a bheith ag súil leis le linn a gcuairte
• Léarscáileanna céadfacha san áireamh sna treoracha do chuairteoirí
• Leathanach gréasáin tiomnaithe ina bhfuil treoracha amhairc agus léarscáileanna céadfacha
• Cairt Chuimsithe a fhorbairt

Chuir Peter Devlin, Bainisteoir Sláinte agus Sábháilteachta agus Oifigeach Rochtana, a bhí i gceannas ar fheachtas creidiúnaithe AsIAm, fáilte roimh an éacht:

“Bhí lúcháir orainn an deimhniú sin a fháil, cloch mhíle shuntasach in iarrachtaí leanúnacha na Leabharlainne Náisiúnta chun ár spásanna a dhéanamh níos inrochtana do chách.”

Dúirt sé freisin:

“Is é sin an chéad chéim inár gcuid oibre leanúnaí chun tacú le daoine a bhfuil Uathachas orthu agus iad a chumhachtú. Táimid ag tnúth lenár n-éachtaí sa chúlra a dhéanamh níos infheicthe agus níos follasaí go luath amach anseo.”

Is léir ón gcreidiúnú tiomantas leanúnach NLI maidir le hinrochtaineacht, cuimsiú, agus timpeallacht fháilteach a chruthú do gach cuairteoir.

Duirt Caitlin Cruise, Bainisteoir Oiliúna agus Creidiúnaithe AsIAm:

“Ceann de na príomhbhacainní atá ar an bpobal Uathachais ná spásanna sábháilte a aimsiú, áit a dtugtar tacaíocht agus tuiscint dúinn. Is é cuspóir Chreidiúnú AsIAm atá Oiriúnach don Uathachas ná deireadh a chur leis na bacainní sin, agus a chinntiú go gcuirtear fáilte roimh dhaoine aonair agus teaghlaigh a bhfuil Uathachas orthu agus go dtacaítear leo i spásanna poiblí. Déanaimid comhghairdeas ollmhór le Leabharlann Náisiúnta na hÉireann as an obair iontach ar fad a rinne siad mar chuid dá bpróiseas Creidiúnaithe.”

Is féidir leat tuilleadh a léamh faoi na Treoracha Amhairc anseo