Gabhadh MacSwiney agus cuireadh i bpríosún é go minic, ach tar éis é a ghabháil i mí Lúnasa 1920 chuaigh sé ar stailc ocrais.

Léiríonn déantúsáin ó bhailiúcháin Leabharlann Náisiúnta na hÉireann gur tragóid uafásach phearsanta a bhí i mbás mall MacSwiney dá theaghlach, agus gur imeacht ríthábhachtach é i gCogadh na Saoirse. Éacht cumhachtach bolscaireachta a bhí ann freisin ar son neamhspleáchas na hÉireann, agus crá croí morálta agus polaitiúil do rialtas na Breataine.

Ó Shuaitheadh go Sos: Scrúdaítear in ‘Grianghraif de Chogadh na Saoirse’ príomhghnéithe Chogadh Saoirse na hÉireann trí bhailiúcháin grianghraf Leabharlann Náisiúnta na hÉireann. 

Tír chontúirteach í Éire in 1920 agus 1921. Ar fud na tíre, tá fórsaí smachtúla na Breataine i mbun troda le haonaid d’Óglaigh na hÉireann atá ag éirí níos gasta, níos ionsaithí. Gafa i lár báire tá gnáthdhaoine atá ag iarraidh a saol a chaitheamh ag an am iontach cinniúnach seo.