Bhí ard-mheas ag Seamus Heaney ar James Joyce; nuair a bhí sé le feiceáil ar ‘Desert Island Discs’ Raidió 4 in 1989, ba é ‘Ulysses’ Joyce a roghnaigh sé mar an t-aon leabhar a thabharfadh sé leis go dtí oileán tréigthe. Ní féidir a shéanadh go raibh tionchar mór aige ar Heaney, ag láithriú dó mar fíor-ghlór na gaoise sa dán dhá pháirt déag ‘Station Island,’ ag tabhairt comhairle dó a nóta a bhualadh.

An deireadh seachtaine Lá Bloom seo, bígí linn le haghaidh turas speisialta ar thaispeántas Seamus Heaney: Éist Anois Arís Dé Sathairn, an 14 Meitheamh ag 1pm áit ar féidir leat teacht ar na ceangail dodhearmadta go léir idir an dá mháistir liteartha seo.

Scríobh WB Yeats ar mhaithe leis an gcluas. Bhain sé úsáid as an tsaltair agus reic sé a chuid filíochta mar a bheadh cantaireacht ann le casadh neamhshaolta a bhaint as an ngnáthchaint. Cé go bhfuil leaganacha Enda ar fhilíocht Yeats rud beag níos binne agus níos ceolmhara ná an bunsaothar, éiríonn leis beocht a thabhairt do bhriathar Yeats mar sin féin agus cuidíonn sé linn ciall agus áilleacht na filíochta a aireachtáil ar bhealach úrnua. Tá lúcháir orainn fáilte a chur roimh Enda Reilly chuig an NLI le haghaidh an taispeántais speisialta seo i gceannceathrú an bhailiúcháin WB Yeats, an bailiúchán is mó ar domhan de leabhair, lámhscríbhinní agus earraí pearsanta a bhaineann leis an bhfile.