Suaimhneas Síoraí, Liam Bluett

Cara agus bronntóir de chuid Leabharlann Náisiúnta na hÉireann ba ea Liam. Tá taifead saibhir d'aisteoirí cáiliúla Éireannacha a bhaineann le tréimhse breis is caoga bliain cruthaithe aige ina bhailiúchán grianghraf agus síniúcháin, agus tá an bailiúchán á choinneáil slán sábháilte anseo sa Leabharlann áit a mbeidh teacht air ag taighdeoirí agus ag an bpobal sna blianta atá le teacht.

Dúirt an Dr. Audrey Whitty, Stiúrthóir NLI:

“Ghoill an scéala maidir le bás Liam go mór orainn. Cara flaithiúil de chuid Leabharlann Náisiúnta na hÉireann ba ea Liam agus táimid fíorbhuíoch dó as gach rud a thug sé dúinn.“

Féach ar an mbailiúchán: Bailiúchán Bluett de Ghrianghraif Shínithe d'Aisteoirí Éireannacha.