Tionscadal Forbartha Caipitil
![Seomra de bhracanna carn leabhar folmha](/sites/default/files/styles/image_with_caption_small/public/2022-10/reimagining-the-national-library_building-program-02_1340.jpg?h=c6cb2754&itok=GesU-0NH)
Tá obair á déanamh faoi mhórchlár forbartha caipitil ar chliathán thiar an champais de chuid Leabharlann Náisiúnta na hÉireann atá ar Shráid Cill Dara.
Sin é an infheistíocht is mó i mbonneagar fisiciúil na Leabharlainne Náisiúnta ó osclaíodh don phobal í in 1890. Nuair a bheidh an obair déanta, beidh an foirgneamh ag cloí le caighdeáin ár linne agus beidh ár n-oidhreacht á caomhnú, agus ómós á léiriú fós ar áilleacht an dearaidh ó ré Victeoiria.
Go dtí seo, tá oibreacha tógála – a raibh géarghá leo – tugtha chun críche ar fud ár gcampais ar Shráid Chill Dara, lena n-áirítear athlonnú na mbailiúchán priontaí, líníochtaí agus earraí inbhailithe, agus athlonnú na mbailiúchán foilseachán, ina bhfuil níos mó ná 350,000 earra. Bogadh iad ó sheilfeanna leabhar Victeoiriacha ar shé leibhéal go dtí stór nua leabhar ar an láthair.
Is tionscadal thar a bheith uaillmhianach atá i gceist. Baineann tábhacht mhór leis ó thaobh NLI a ullmhú i gcomhair na todhchaí mar go bhfágfaidh sé go mbeidh áit stórála shábháilte ann do na bailiúcháin náisiúnta, mar aon le spásanna nua chun taispeántais NLI a chur ar bun, spásanna foghlama agus spásanna i gcomhair imeachtaí; agus siopa agus caifé chun cur leis an sult a bhainfidh daoine as a gcuairt ar an Leabharlann. Cinnteofar, mar chuid den chlár, go mbeidh an foirgneamh inrochtana dár gcuairteoirí go léir.
Chun uaillmhianta na comhpháirtíochta seo – le hOifig na nOibreacha Poiblí agus an Roinn Turasóireachta, Cultúir, Ealaíon, Gaeltachta, Spóirt agus Meán – a bhaint amach, tá buiséad mór i gceist, chomh maith le han-chuid acmhainní, ama agus saineolais. Gabhaimid buíochas leat as bheith foighneach agus tacú linn le linn an tionscadail seo.
![NLI New Circulation Core - concept © OPW](/sites/default/files/styles/image_with_caption_small/public/2023-09/nli-new-circulation-core-concept-c-fkp-architects.jpg?h=d1cb525d&itok=Qo0xsrRE)
NLI New Circulation Core - concept © OPW
![NLI Longitudinal Section through West Wing](/sites/default/files/styles/image_with_caption_small/public/2023-09/nli-longitudinal-section-through-west-wing-c-fkp-architects.png?h=8f74817f&itok=ORrU-yph)
NLI Longitudinal Section through West Wing © FKP Architects
![NLI Education Room - concept © Digital Dimension](/sites/default/files/styles/image_with_caption_small/public/2023-09/nli-education-room-concept-c-digital-dimension.jpg?h=c6980913&itok=1_glC0Ad)
NLI Education Room - concept © Digital Dimension
![NLI Exhibition Space © Digital Dimension](/sites/default/files/styles/image_with_caption_small/public/2023-09/nli-exhibition-space-c-digital-dimension.jpg?h=c6980913&itok=13vf166b)
NLI Exhibition Space © Digital Dimension
![NLI proposed retail space](/sites/default/files/styles/image_with_caption_small/public/2023-09/nli-retail-space-concept-c-digital-dimension.jpg?h=c6980913&itok=2gXDUN_X)
NLI Retail Space - concept © Digital Dimension
![Coincheap le haghaidh an chaifé nua sa Leabharlann Náisiúnta](/sites/default/files/styles/image_with_caption_small/public/2023-09/nli-concept-proposal-for-cafe-c-opw.jpg?h=d1cb525d&itok=qHR19E0W)
Coincheap le haghaidh an chaifé nua sa Leabharlann Náisiúnta