Bí linn ar Zoom agus club leabhar speisialta ar siúl againn, mar chuid den cheiliúradh ar Lá Idirnáisiúnta na bPortach, agus muid ag díriú ar ‘The Bog People: Iron Age Man Preserved’ le P.V. Glob.

I leabhar Dennis Driscoll Stepping Stones, dúirt Heaney ‘ba gheall le geata a oscailt é leabhar P.V. Glob The Bog Peoplea oscailt.’ Chun Lá Idirnáisiúnta na bPortach na bliana seo a cheiliúradh díreoidh an club leabhar ar an údar mór inspioráide seo do Heaney agus an fhilíocht a spreagadh dá bharr.

Bí linn agus Lá Idirnáisiúnta na bPortach agus ár bportaigh á gceiliúradh againn ag Seamus Heaney: Éist Anois Arís. Bí linn Dé Sathairn an 26 Iúil le haghaidh ócáid speisialta le cúigear aoichainteoirí ar an bpainéal agus iad tagtha le chéile mar gheall ar thionscnamh poiblí scéalaíochta, Scéalta Pobail an Tóchair, atá á reáchtáil mar chuid d’Athchóiriú Bogach Lártíre an Tóchair agus iad ag obair le daoine ar fud na n-ocht gcontae i Laois, Cill Dara, Uíbh Fháilí, An Iarmhí, Gaillimh, Tiobraid Árainn, Ros Comáin agus Longfort, atá mar chuid den réigiún um Aistriú Cóir.

I measc na n-aoichainteoirí ar an bpainéal beidh: an file Jane Clarke, as Ros Comáin ó dhúchas, a mbíonn a cuid saothair ag dul i ngleic le téamaí an dúlra, an talún agus an athraithe aeráide; an cumadóir Ann Cleare, as Biorra, a mbíonn a saothar, Terrarium, ag baint leas as taifeadadh cluaise an phortaigh bháite ag Loch Boora, Contae Uíbh Fháilí, ag cruthú nasc idir muid féin agus loch méisiliteach atá imithe as radharc; agus Michael Long, ceannaire deonach ó Bhogaigh na Cabraí, Co Thiobraid Arainn, a roinnfidh an scéal a bhaineann leis an tSiúlóid Chosmach atá cruthaithe acu, ag dul siar ar bhóithrín na smaointe agus ag tagairt dár scéal bunaidh, an nasc idir pobail agus pláinéad agus an chaoi a bhfuil pobail ann anois mar chosantóirí an talún agus a ghnáthóga. Roinnfidh an t-ealaíontóir Shane Hynan as Co Chill Dara, a mbaineann a chuid grianghrafadóireachta leas as tírdhreach na bportach, a shaothar Beneath | Beofhód, agus nascfaidh sé le bailiúcháin na Leabharlainne Náisiúnta, agus ina theannta sin, inseoidh an staraí Seamus Corcoran, ó Ghrúpa Oidhreachta agus Caomhnaithe Phortach Liath Mancháin, scéalta maidir leis na taiscí atá i seilbh na bportach dúinn agus an nasc atá againn leis na portaigh, rud atá i bhfad Éireann níos tábhachtaí ná mar a bhainimid amach mar fhuinneamh.

Beidh turas gearr ar an taispeántas i ndiaidh na hócáide, agus béim faoi leith ar shaothar Heaney, ag díriú ar ár gcaidreamh leis an dúlra, an talamh, an stair agus na portaigh.