Cuireadh freasordú Mhic Néill i gcló sa Sunday Independent an mhaidin sin. Bhuail an Chomhairle Mhíleata le chéile i Halla na Saoirse chun na himpleachtaí maidir leis an bhfreasordú a phlé. Chinn siad go rachadh siad ar aghaidh leis an Éirí Amach, ach chuir siad siar í go dtí an tráthnóna an lá dár gcionn, Luan na Cásca, chun am a thabhairt dóibh le teachtairí a chur ar fud na tíre le cur in iúl d’Óglaigh na hÉireann go mbeadh an Éirí Amach ag tarlú go deimhin. Ar an Domhnach, cuireadh an Forógra i gcló ar an gclóphreas i Halla na Saoirse a bhí ansin don ITGWU. Toisc nach raibh go leor cló ann den mhéid a theastaigh chun an doiciméad ar fad a chlóscríobh, rinneadh an clóchur agus an priontáil thar dhá chéim, rud a thugann míniú go pointe áirithe ar dhéine éagsúil an dúiche ar leath uachtar agus leath íochtar an Fhorógra.