Turas Scoileanna Teanga | WB Yeats agus Amharclannaíocht
Líníochtaí ailtireachta d’Amharclann na Mainistreach leis an ailtire Joseph Holloway (PD AD 2193)
Tá eolas ag a lán daoine ar Yeats mar dhuine de na filí is mó den 20ú haois ach b'fhéidir nach bhfuil a fhios acu gur scríobh sé 26 dráma freisin le linn a shaoil, agus go raibh sé ina bhunaitheoir ar Amharclann na Mainistreach, amharclann náisiúnta na hÉireann mar atá anois.
Cuirfidh an turas Zoom seo scéal Yeats in aithne do do ghrúpa mar dhrámadóir agus mar dhéantóir amharclannaíochta trí sheoda bhailiúchán Yeats atá ar taispeáint, le hamharc tumthach, fíorúil, 360 céim ar an taispeántas.
Is é Bailiúchán Yeats an bailiúchán is mó leabhar, lámhscríbhinní agus míreanna pearsanta a bhaineann leis an bhfile áit ar bith ar domhan, agus tá sé ar fáil a bhuíochas le flaithiúlacht mhuintir Yeats, a bhronn na míreanna ar Leabharlann Náisiúnta na hÉireann.
Taitneoidh an turas seo le grúpaí scoile teanga a bhfuil spéis acu i gcultúr agus i stair na hÉireann, san amharclannaíocht agus sa litríocht.
Más féidir lenár bhfoireann aon chúnamh a thabhairt duit, déan teagmháil linn ag learning@nli.ie
