Bailiúcháin

Cinntíonn tionscadail innéacsaithe, cóipeála agus catalógaithe leanúnacha go bhfuil níos mó rochtana ná riamh ag an bpobal ar na grianghraif atá faoinár gcúram. Mar sin féin, ba chóir a thabhairt ar aird go bhfuil roinnt bailiúchán ann nach féidir a chur ar fáil do thaighdeoirí i láthair na huaire.

Gheobhaidh tú ina dhiaidh seo liosta de roinnt de na bailiúcháin is fearr aithne sa Chartlann. Lean na naisc le do thoil chun tuilleadh a fháil amach faoi bhailiúchán ar leith.


Bailiúchán Cardall
Tá 5000 claonchló as comhlacht cártaí poist Cardall sa bhailiúchán seo; baineann na híomhánna leis an tréimhse 1940 – 1970

Bailiúchán Clarke
Is bailiúchán beag grianghraf le JJ Clarke é seo, go príomha ón tréimhse 1897 go dtí 1904 i mBaile Átha Cliath.

Bailiúchán Clonbrock
Bailiúchán de 3,500 pláta gloine a chlúdaíonn na blianta 1860 - 1930. Taifead pictiúrtha iontach is ea é seo de shaol teaghlaigh talún.

Bailiúchán Eason
Bailiúchán de 4,000 claonchlónna plátaí gloine a cruthaíodh do Eason and Sons Postcard Company idir 1990-1940.

Bailiúchán Keogh
Bailiúchán 300 grianghraf ó Stiúideo Deartháireacha Keogh, Baile Átha Cliath ón tréimhse 1915 - 1930, lena n-áirítear clúdach den scoth ar phearsana mór le rá sa pholaitíocht a raibh baint acu le hÉirí Amach 1916.

Bailiúchán Independent Newspapers (Éire)
Seo bailiúchán de 300,000 claonchló ó chartlann nuachta an Irish Independent ó 1912 go dtí 1997.

Bailiúchán Morgan
Seo bailiúchán d'aerfótagraif na hÉireann a thóg an Captaen Morgan i lár na 1950idí.

Bailiúchán Poole
Bailiúchán de 65,000 portráid agus íomhá thopagrafach ón Poole Studio, stiúideo tráchtála a bhí lonnaithe i gCathair Phort Láirge idir 1884 – 1954.

Bailiúchán Valentine
Cuimsíonn an bailiúchán topagrafach seo 3,000 claonchló ón tréimhse 1900 - 1960, a chlúdaíonn Poblacht na hÉireann.

Bailiúchán Wiltshire
Bailiúchán de 1,000 claonchló agus 300 prionta a chlúdaíonn tréimhse 20 bliain ó 1951, agus tá Baile Átha Cliath le feiceáil i bhformhór na n-íomhánna. I measc na n-ábhar eile atá faoi chaibidil tá Patrick Kavanagh agus an Lucht Siúil.
 
Díshealbhú, Maigh Sheasta, Co.an Chláir, ca. 1886-1890 (LROY 1767).
Díshealbhú, Maigh Sheasta, Co.an Chláir, ca. 1886-1890 (LROY 1767).
Naisc Thapa